ສະບາຍດີ ເພື່ອຜູ້ອ່ານໝົດທຸກຄົນ ມື້ນີ້ເປັນການເປີດຕົວຄໍລຳໃໝ່ ຊື່ ໄອທີນ (IT) ຢາກບອກ ເພື່ອ ເປັນການແລກປ່ຽນຄວາມຄິດເຫັນກັບເພື່ອນຜູ້ອ່ານ ເວລາມີບັນໃນການນຳໃຊ້ໂປຣແກຣມຄອມພິວເຕີ ຫຼືບັນຫາທີ່ກ່ຽວພັນກັບດ້ານໄອທີ.
ບໍ່ເວົ້າຍາວນໍ ເຂົ້າເລື່ອງກັນເລີຍ ມື້ນີ້ ຄໍລຳຂອງພວກເຮົາ ຂໍສະເໜີວິທີການຕິດຕັ້ງໂປຣແກຣມພາສາລາວ ເພື່ອໃຊ້ໃນການຂຽນພາສາລາວໃນວິນໂດສ໌ ເຊິ່ງຈະຄອບຄຸມຕັ້ງແຕ່ວິນໂດສ໌ເອັກສ໌ພີ (XP) ຂື້ນໄປ ຈົນເຖິງ ວິນໂດສ໌ 7 ໃນຕົວຢ່າງບົດນີ້ ພວກເຮົາໃຊ້ລະບົບ ວິນໂດສ໌ເຈັດ (Windows 7) ສະນັ້ນ ອາດແຕກຕ່າງກັບວິນໂດສ໌ XPໜ້ອຍໜຶ່ງ ມາເລີ່ມຕິດຕັ້ງກັນເລີຍ.
1. ກ່ອນອື່ນເຂົ້າໄປດາວໂຫຼດໂປຣແກຣມມາສາກ່ອນ ຕາມຮູບດ້ານລຸ່ມເລີຍນໍ.- ເປີດໂປຣແກຣມເຂົ້າເວັບໄຊທ໌ ໃນທີ່ນີ້ເຮົາໃຊ້ໂປຣແກຣມໝາປ່າໄຟ (Firefox) (ຮູບທີ 1).
- ພິມສື່ເວັບໄຊທ໌ http://vientianemai.net ແລະ ກົດປຸ່ມ Enter ຢູ່ Keyboardເພື່ອເຂົ້າເວັບໄຊທ໌.
- ເລື່ອນໜ້າເວັບລົງມາ ທາງດ້ານຂວາມືຈະເຫັນປ້າຍສີແດງທີ່ຂຽນວ່າ ຕິດຕັ້ງພາສາລາວ ເພື່ອອ່ານ ແລະຂຽນຄຳເຫັນເປັນພາສາລາວ ໃຫ້ກົດທີ່ນັ້ນໄດ້ເລີຍ (ຮູບທີ 2).
- ໂປຣແກຣມຈະທຳການເປີດໜ້າເວັບໄຊທ໌ຂຶ້ນມາໃໝ່ ທາງດ້ານຂວາມື ຈະເຫັນຄຳວ່າ Free Download - Waitingtime (30) ມັນຈະເປັນການນັບເວລາຖອຍຫຼັງ 30 ວິນາທີ ໃຫ້ລໍຖ້າຈົນຈະເຫັນຄຳວ່າ Free Download - Waitingtime ທີ່ບໍ່ມີຕົວເລກນັບຖອຍຫຼັງ ແລ້ວກົດໃສ່ປຸ່ມນັ້ນທັນທີ (ຮູບທີ 3).
- ເວັບໄຊທ໌ຈະເປີດໜ້າໃໝ່ຂື້ນມາ ຈະເຫັນຄຳວ່າ Please wait 30 seconds to download this fileຈະຕ້ອງລໍຖ້າໃຫ້ການນັບຖອຍຫຼັງອີກ 30 ວິນາທີ ແລ້ວຈະປະກົດໃຫ້ເຫັນຄຳວ່າ You can start the FREE Download now ໃຫ້ກົດທີ່ປຸ່ມນັ້ນທັນທີ ເພື່ອທຳການດາວໂຫຼດມາເກັບໄວ້ໃນເຄື່ອງຂອງເຮົາ (ຮູບທີ 4).
- ຈະມີໜ້າຕ່າງຂື້ນມາຖາມວ່າ ເຈົ້າຕ້ອງການທີ່ຈະບັນທຶກຟາຍລ໌ນີ້ ? (Would you like to save this file ?) ໃຫ້ທ່ານກົດທີ່ປຸ່ມ Save file(ຮູບທີ 5).
- ໂປຣແກຣມຈະດາວໂຫຼດມາເກັບໄວ້ໃນເຄື່ອງຂອງພວກເຮົາ ລໍຖ້າຈົນໃຫ້ຄົບ 100% ເຊິ່ງໂປຣແກຣມໝາປ່າໄຟນີ້ ຈະເກັບໄວ້ຢູ່ກ່ອງ My Documents ແລະເຂົ້າໄປທີ່ກ່ອງ Downloads ໃນວິນໂດສ໌ XPແຕ່ໃນຕົວຢ່າງການຕິດຕັ້ງໃນບົດນີ້ ພວກເຮົາໃຊ້ວິນໂດສ໌ເຈັດ (Windows 7) ມັນກໍເລີຍໄປຢູ່ທີ່ C:\Users\iTeen\Downloads ຄືຢູ່ໃນຮູບທີ ... ຈະເຫັນມີຟາຍລ໌ທີ່ເຮົາດາວໂຫຼດມາ ຊື່ວ່າ LSWin7.msi(ຮູບທີ 6).
2. ການຕິດຕັ້ງໂປຣແກຣມ.- ການຕິດຕັ້ງແມ່ນໃຫ້ເປີດຟາຍລ໌ LSWin7.msi ຂື້ນມາ ໂດຍການກົດເມົ້າສອງຄັ້ງ (Double Click) ໃສ່ຊື່ຟາຍລ໌ນັ້ນ ແລ້ວຈະມີໜ້າໂປຣແກຣມເປີດຂື້ນມາ ໂປຣແກຣມຈະຖາມວ່າ ເຈົ້າຕ້ອງການຈະແລ່ນຟາຍລ໌ນີ້ ? ໃຫ້ກົດທີ່ປຸ່ມ Run ໄດ້ເລີຍ ແລ້ວຈະມີໜ້າຕ່າງໃໝ່ຂື້ນມາ (ຮູບທີ 7).
- ໃຫ້ກົດທີ່ປຸ່ມ Nextເພື່ອຕິດຕັ້ງ (ຮູບທີ 8).
- ແລ້ວໃຊ້ເມົ້າກົດໃສ່ຮູສີ່ລ່ຽມນ້ອຍໆ ທີ່ມີຄຳວ່າ I accept the terms in the License Agreementເພື່ອຕິກຍອມຮັບຂໍ້ຕົກລົງຂອງໂປຣແກຣມ ແລະກົດປຸ່ມ Next ຕາມຮູບທີ 9.
- ແລ້ວຈະມີ 3 ຕົວເລືອກ ໃຫ້ກົດເລືອກທີ່ປຸ່ມ Typical ຕາມຮູບທີ 10 ໄດ້ເລີຍ.
- ແລ້ວກົດປຸ່ມ Installເປັນອັນສຳເລັດການຕິດຕັ້ງ (ຮູບທີ 11 ແລະ 12).
3. ການນຳໃຊ້ເບື້ອງຕົ້ນ.- ການເປີດໂປຣແກຣມ ໃຫ້ເຂົ້າໄປທີ່ Start Menu ຕາມຮູບໄດ້ເລີຍ (ຮູບທີ 13).
- ເລື່ອນລົງມາ ຈະເຫັນຄຳວ່າ Lao Script for Windows 7.0 ໃຫ້ກົດເມົ້າໃສ່.
- ແລ້ວກົດໃສ່ Lao Keyboard Mappingເພື່ອເປີດໂປຣແກຣມ.
- ສາມາດກວດສອບໄດ້ ວ່າໂປຣແກຣມ Lao Script ເປີດຢູ່ ຫຼືບໍ່ ດັ່ງຮູບທີ 14.
- ການປັບປຸງໂປຣແກຣມ ເພື່ອໃຫ້ສາມາດພິມພາສາລາວໄດ້ໃນເວັບໄຊທ໌ ດັ່ງຮູບທີ 15 ລຸ່ມນີ້:
ຂັ້ນຕອນຕ່າງໆເປັນອັນສຳເລັດນໍ ຖ້າຫາກທ່ານໃດ ອ່ານແລ້ວບໍ່ເຂົ້າໃຈ ສາມາດສົ່ງອີເມວເຂົ້າມາຖາມທາງພວກເຮົາໄດ້ນໍ ເພາະວ່າຂັ້ນຕອນຂ້ອນຂ້າງຍາວ ແລະທາງຜູ້ຂຽນກໍມືໃໝ່ແດ່ ອາດອະທິບາຍສັບສົນໄປໜ້ອຍໜຶ່ງ ກໍຂໍອະໄພມານະທີ່ນີ້ດ້ວຍ.
0 ຄຳຄິດເຫັນ :
Post a Comment