ທຸກມື້ນີ້ ໄວຣັດສ໌ ມີການພັດທະນາໄປໄກຫຼາຍກວ່າທີ່ເຮົາເຄີຍພົບພໍ້ກັນ ຫາກທ່ານຍັງຄິດວ່າ ເຄື່ອງຄອມພິວເຕີຂອງທ່ານ ມີໂປຣແກຣມດີ ເສຍເງິນຊື້ມາແລ້ວ ປອດໄພແນ່ນອນ ແມ່ນທ່ານກຳລັງຄິດຜິດ ຖ້າທ່ານບໍ່ຍອມປ່ຽນແປງພຶດຕິກຳ ທັງເລື່ອງການເປີດອ່ານອີເມວ ການໃຊ້ Flash Drive ການເກັບມ້ຽນຂໍ້ມູນ ແລະ ເລື່ອງຂອງການໃຊ້ໂປຣແກຣມເຖື່ອນຕ່າງໆ ໂດຍສະເພາະ ພວກທີ່ມີ ຄີມາໃຫ້ ມີ Serial ມາໃຫ້ ຍິ່ງນ່າເປັນຫ່ວງ ທີ່ຂ້າພະເຈົ້າເວົ້າມາທັງໝົດນັ້ນ ຕໍ່ໃຫ້ທ່ານມີໂປຣແກຣມອັນດັບໜຶ່ງມາໃຊ້ ທ່ານກໍຍັງຕ້ອງກັງວົນຢູ່ດີລະທ່ານ.
ດຽວນີ້ ໄວຣັດສ໌ ສ່ວນໃຫຍ່ຈະຊອກຫາຂໍ້ມູນຫຼາຍກວ່າການກໍ່ກວນຊື່ໆນໍ.
ອັນດັບ 1. BitDefender.
ເປັນໂປຣແກຣມອັນດັບໜຶ່ງຂອງປີກາຍພ້ອມ ຄົງຕ້ອງຍອມຮັບເລີຍວ່າ ສິນຄ້າຂອງເຂົາມີຄຸນນະພາບແທ້ໆ ແຕ່ຍັງເປັນຫວ່ງເລື່ອງການກິນຊັບພະຍາກອນຂອງເຄື່ອງຫຼາຍສົມຄວນ ແຕ່ມີການອັບເດດຂໍ້ມູນຂ່າວສານເປັນປະຈຳ.
ອັບດັບ 2. Kaspersky.
ເປັນໂປຣແກຣມຂອງຣັດເຊຍ ເຖິງວ່າຈະບໍ່ໄດ້ອັນດັບໜຶ່ງ ແຕ່ກໍຖືກໃຈຄົນລາວຫຼາຍຄົນ ແຕ່ວ່າລາຄາກໍຍັງແພງຢູ່ ບໍ່ນັບລວມເຖິງຂອງເຖື່ອນທີ່ຫຼັກມາຂາຍ ເປັນໂປຣແກຣມທີ່ກິນຊັບພະຍາກອນຂອງເຄື່ອງຫຼາຍສົມຄວນ ແຕ່ປະສິດທິພາບສູງ ເໝາະສຳລັບຄົນທີ່ໃຊ້ຄອມພິວເຕີແບບສ່ຽງຕໍ່ໄວຣັດສ໌ ແລະ ສຽງຂອງມັນເວລາເຈິະໄວຣັດສ໌ນັ້ນ ຮູ້ສຶກດີທຸກຄັ້ງ.
ອັນດັບ 3. webroot
ສຸດຍອດນັກກວາດລາງວັນຕອນນີ້ ຄົງບໍ່ມີໃຜເກີນ webroot ໂປຣແກຣມຄຸນນະພາບອີກໜຶ່ງຕົວ ແຕ່ຍັງບໍ່ທັນເປັນທີ່ຮູ້ຈັກໃນປະເທດລາວ ແຕ່ຄຸນນະພາບສູງ ຈຶ່ງເຮັດໃຫ້ປີນີ້ ໄດ້ເປັນທີສາມອີກແລ້ວ.
ອັນດັບ 4. Norton Antivirus
ຫຼັງຈາກຕົກຊັ້ນໄປຫຼາຍ ຕອນນີ້ກັບຂຶ້ນມາໄດ້ອີກຄັ້ງ ສຳລັບໂປຣແກຣມເກົ່າແກ່ຄື Norton ເພາະຫຼັງຈາກທີ່ມີການພັດທະນາ Solution ໃຫ້ກາຍເປັນໂປຣແກຣມທີ່ສາມາດດູແລໄດ້ຄອບຄຸມຫຼາຍຂຶ້ນ ອັບເດດໄດ້ໄວ ແລະ ໜ້າຕາໃຊ້ງານງ່າຍຂຶ້ນ ດ້ວຍຊື່ສຽງທີ່ສະສົມມາດົນ ເລີຍເຮັດໃຫ້ກັບມາໄດ້ແຊງໜ້າຄົນອື່ນ.
ອັນດັບ 5. Eset Nod32.
ປີນີ້ ກະແສຄວາມນິຍົມເລີ່ມຕົກລົງໄປແດ່ ທີ່ຈິງແລ້ວເລື່ອງການໃຊ້ງານທີ່ງ່າຍ ບໍ່ຫຍຸ້ງຍາກ ນ່າຈະເປັນຕົວທີ່ເຮັດໃຫ້ໂປຣແກຣມນີ້ ຍັງຄົງດຳລົງຢູ່ໃນອັນດັບຕົ້ນໆ ແຕ່ຕ້ອງຍອມຮັບເລີຍວ່າ ເວລາທີ່ເຮັດການກວດສອບຊອກຫາໄວຣັດສ໌ແລ້ວ ມີຜົນແຕກຕ່າງຈາກໂປຣແກຣມອື່ນພໍສົມຄວນ.
ອັນດັບ 6. AVG Antivirus.
ໂປຣແກຣມນີ້ມີທັງແບບ Free ແລະ ເສຍເງິນ ແຕ່ຄົນລາວສ່ວນໃຫຍ່ໃຊ້ແບບຂອງ Free ເຊິ່ງເປັນໂປຣແກຣມທີ່ມີຄຸນນະພາບອີກຕົວໜຶ່ງ ແຕ່ຫາກໃຜໃຊ້ຢູ່ ຂ້າພະເຈົ້າຂໍແນະນຳວ່າ ຢ່າ Uninstall ມັນອອກເລີຍ ເພາະຂ້າພະເຈົ້າເຄີຍລອງແລ້ວ ມີປັນຫາຫຼາຍສົມຄວນກວ່າຈະຕັ້ງຄ່າແລ້ວ.
ອັນດັບ 7. G data.
ໂປຣແກຣມພາສາເຢຍລະມັນຊື່ດັງ ເຖິງວ່າໜ້າຕາຈະໃຊ້ຍາກ ແຕ່ກໍມີຈຸດເດັ່ນເຊັ່ນ Webmail Scan ແລະ Registry Startup ເປັນອັນດັບຕົ້ນໆທີ່ໜ້າສົນໃຈ ປີນີ້ຂື້ນອັນດັບມາໄດ້ສູງສົມຄວນ.
ອັນດັບທີ 8. Avira.
ໂປຣແກຣມທີ່ບໍ່ຕິດອັນດັບໃນປີກາຍ ແຕ່ມາປີນີ້ ຄັນຮົ່ມແດງ ເປັນທີ່ຮູ້ຈັກຫຼາຍຂຶ້ນ ດ້ວຍຄຸນສົມບັດເດັ່ນຄື ໃຊ້ງານງ່າຍ ແລະ ມີປະສິດທິພາບໃນການກວດຫາໄພຄຸກຄາມຕ່າງໆໄດ້ເປັນຢ່າງດີ ແຕ່ກໍມາໄດ້ໄກພຽງເທົ່ານີ້.
ອັນດັບ 9. Vipre.
ເປັນໂປຣແກຣມ Antivirus ອີກຕົວໜຶ່ງ ທີ່ມີປະສິດທິພາບໃນການເຮັດວຽກສູງ ສາມາດກຳຈັດໄວຣັດສ໌ໄດ້ດີ ມີເຕັກໂນໂລຊີ antivirus + antispyware engine ລວມຢູ່ນຳກັນ ແຕ່ຍັງເປັນນ້ອງໃໝ່ຂອງວົງການຢູ່ ແຕ່ຄວາມສາມາດທີ່ໜ້າສົນໃຈຄື ບໍ່ໜັກເຄື່ອງ ຈຶ່ງເໝາະສຳລັບການໃຊ້ງານໃນ Notebook ແລະ Netbook.
ອັນດັບ 10. Trend Micro.
ຂ້າພະເຈົ້າຄິດວ່າ ໜ້າຈະເປັນຍ້ອນການຂາດຟັງຊັນ spam phishing ແຖມຍັງກິນຖ່ານຫຼາຍ ເປືອງຊັບພະຍາກອນເຄື່ອງອີກນີແຫລະ ທີ່ເປັນປັນຫາເຮັດໃຫ້ໄປໄດ້ບໍ່ໄກ.
ນ່າເສຍດາຍ ໂປຣແກຣມເກົ່າໆເຊັ່ນ MacAfee ແລະ ໂປຣແກຣມທີ່ຂ້າພະເຈົ້າມັກຄື Clam ແຕ່ບໍ່ມີອັນກັບວ່າງສຳລັບພວກເຂົາ.
0 ຄຳຄິດເຫັນ :
Post a Comment