Peter Wissinger ຜູ້ອຳນວຍການຝ່າຍທຸລະກິດມືຖືຂອງ ໄມໂຄຣຊອບຟ໌ ໄດ້ປະກາດມື້ນີ້ວ່າ ຕອນນີ້ ມັນ (Windows Phone 7 Mango) ຖືກສົ່ງໃຫ້ກັບບໍລິສັດຜູ້ຜະລິດສະມາດໂຟນທີ່ເປັນພັນທະມິດ ເພື່ອອັບເດດຜະລິດຕະພັນໃຫ້ກັບລູກຄ້າຂອງເຮົາ Microsoft ໄດ້ສົ່ງ Mango ກ່ອນກຳນົດການທີ່ຕັ້ງໄວ້ ຕອນນີ້ຮູ້ສຶກດີຫຼາຍ ຈັ່ງ ໃດກໍຕາມ ຕ້ອງຖ້າເບິ່ງວ່າ ເຮົາຈະໄດ້ເຫັນສະມາດໂຟນທີ່ແລ່ນ WP7 Mango ລຸ່ນທຳອິດ ວາງຕະຫຼາດຕອນໃດ ເຊິ່ງປັດຈຸບັນ ບໍລິສັດຜູ້ຜະລິດສະມາດໂຟນທີ່ໃຊ້ WP7 ກໍໄດ້ແກ່ Nokia, HTC, LG, Samsung, Dell, ZTE Corporation, Acer ແລະ Fujitsu.
ຄາດວ່າຕອນນີ້ Nokia ຄົງຈະຢູ່ໃນລະຫວ່າງການອັບເກຣດ Mango ໃຫ້ກັບ Sea Ray ສະມາດໂຟນລຸ່ນທຳອິດ ທີ່ເຮັດວຽກດ້ວຍລະບົບປະຕິບັດການ Windows Phone 7 ແລະ Toshiba-Fujitsu IS12T ເຊິ່ງມີກຳນົດການເປີດໂຕໃນເດືອນກັນຍານີ້ ຕອນນີ້ເບິ່ງຄືວ່າ Microsoft ຈະຕ້ອງການໃຫ້ສະມາດໂຟນທີ່ເຮັດວຽກດ້ວຍລະບົບປະຕິບັດການລຸ່ນ ໃໝ່ ອອກມາກ່ອນ iPhone 5 ຈັ່ງໃດກໍຕາມ ຫາກທ່ານຜູ້ອ່ານເປັນເຈົ້າຂອງສະມາດໂຟນ Windows Phone 7 ທ່ານສາມາດອັບເດດ Mango ໄດ້ເອງ ໂດຍເບິ່ງຕາມຂັ້ນຕອນຈາກວິດີໂອລຸ່ມນີ້
0 ຄຳຄິດເຫັນ :
Post a Comment