ຫຼ້າສຸດ ທາງທີມພັດທະນາ Windows 8 ໄດ້ໂພດສ໌ຂໍ້ຄວາມທີ 3 ເຊິ່ງສະແດງຄຸນສົມບັດຂອງລະບົບຈັດການຟາຍລ໌ (File Management) ແລະ ການຍ້າຍຟາຍລ໌ ອອກມາໃຫ້ຜູ້ໃຊ້ທົ່ວໂລກໄດ້ເຫັນກັນ.
Microsoft ໄດ້ສຶກສາວິທີການກ່າຍຟາຍລ໌ຂອງຜູ້ໃຊ້ ໃນລັກສະນະຕ່າງໆຫຼາຍຢ່າງ ຕະຫຼອດຮອດຄວາມຖີ່ໃນການທີ່ຜູ້ໃຊ້ຈະກ່າຍຟາຍລ໌ທີ່ໃຊ້ເວລາດົນ ກວ່າ 10ນາທີ ເຊິ່ງປະກົດວ່າ ຫາກດົນກວ່າໄລຍະເວລາດັ່ງກ່າວ ຜູ້ໃຊ້ປະມານ 5%ຈະຍົກເລີກການກ໋ອບປີ້ຟາຍລ໌ (ບໍ່ຢາກຖ້າດົນ) ໃນການນຳສະເໜີຫຼ້າສຸດ ສຳລັບຄຸນສົມບັດໃໝ່ຂອງ Windows 8ຫາກປຽບທຽບກັບ Windows 7ລະບົບຈະປະມານເວລາລ່ວງໜ້າ ວ່າຈະກ່າຍສຳເລັດຕອນໃດ ແລະ ຄວາມໄວໃນການກ່າຍຂະນະນັ້ນ ແຕ່ໃນ Windows 8ຜູ້ໃຊ້ຈະສັງເກດເຫັນໜ້າຕາໃໝ່ ທີ່ສະແດງຂັ້ນຕອນການກ່າຍຟາຍລ໌ຕ່າງໆໄດ້ພ້ອມກັນ ໃນໄດອະລ໋ອກບ໋ອກດຽວ ແຖມຍັງສະແດງກຣາບຟ໌ຄວາມສຳເລັດໃນການກ່າຍໃຫ້ເຫັນອີກ ວ່າການກ່າຍຟາຍລ໌ສຳເລັດໄປສ່ຳໃດແລ້ວ ໂດຍຜູ້ໃຊ້ຍັງສາມາດຢຸດການກ່າຍບາງຟາຍລ໌ໄວ້ກ່ອນ ເພື່ອເພີ່ມຄວາມໄວໃນການກ່າຍຟາຍລ໌ອື່ນໆ ໄດ້ອີກດ້ວຍ.
ນອກຈາກການກ່າຍຟາຍລ໌ທີ່ສະແດງຂໍ້ມູນລະອຽດຂຶ້ນ ຕະຫຼອດຮອດການຄວບຄຸມການກ່າຍທີ່ງ່າຍກວ່າເກົ່າແລ້ວ ລະບົບຈັດການຟາຍລ໌ Windows 8 ໂດຍສະເພາະການກ່າຍຟາຍລ໌ທີ່ນອກຈາກຄວາມໄວແລ້ວ ມັນຍັງມີເຄື່ອງມືທີ່ຊ່ວຍໃຫ້ກ່າຍຟາຍລ໌ຖູກຕ້ອງ ສົມບູນ ບໍ່ຊ້ຳກັນ ຫຼື ເກີດປັນຫາຟາຍລ໌ເກົ່າທັບຟາຍລ໌ໃໝ່ ແລະ ອື່ນໆອີກ ເຊິ່ງໃນ Windows 8 ຈະສະແດງໄອຄ໋ອນຂອງຟາຍລ໌ຂະໜາດນ້ອຍ (thumbnail) ພ້ອມທັງສະແດງລາຍລະອຽດຂອງຟາຍລ໌ທີ່ຈະກ່າຍນັ້ນ ທັງຕົ້ນທາງ ແລະ ປາຍທາງ ເພື່ອໃຫ້ກວດສອບວ່າ ມັນຊ້ຳກັນຫຼືບໍ່ ຟາຍລ໌ໃດໃໝ່ກວ່າ ເປັນຕົ້ນ ຜູ້ໃຊ້ພຽງແຕ່ຕິກເລືອກໜ້າຟາຍລ໌ທີ່ຕ້ອງການຈະກ່າຍທັບ ຫຼືບໍ່ດຳເນີນການໃດໆ ແລ້ວກໍກົດປຸ່ມ Continue ຂັ້ນຕອນການກ່າຍຟາຍລ໌ກໍຈະດຳເນີນຕໍ່ໄປເອງໂດຍອັດຕະໂນມັດ ພຽງເທົ່ານີ້ ການກ່າຍຟາຍລ໌ທີ່ຜູ້ໃຊ້ຕ້ອງການ ກໍຈະຖືກຕ້ອງຫຼາຍຍິ່ງຂຶ້ນ.
ເວັບໄຊທ໌ໃນຂ່າວ: Building Windows 8
0 ຄຳຄິດເຫັນ :
Post a Comment